அரிய புகைப்படங்கள்
(நன்றி: திரு. ரா.அ.பத்மநாபன் அவர்களின் 'சித்திர பாரதி')
பகுதி - 7
83. கவிஞரும் மனைவியாரும்: பாரதியும் மனைவி செல்லம்மாளும். 1917-ல் விஜயராகவன் என்ற அன்பரின் தூண்டுதலின்பேரில் எடுத்த புகைப் படம். புதுவையன்பர்கள் பாரதி தாடியுடன் இருக்கும் இப்படத்தையே விரும்புகிறார்கள்.
84. குடும்பமும் ஒரு நண்பர்களும்: 1917-ல் புதுவையில், முந்திய படம் எடுத்த
அதே நாளில் எடுத்த மற்றொரு படம்.
உட்கார்ந்திருப்பவர்கள்: புதல்வி சுகுந்தலா(பாப்பா), மனைவி செல்லம்மாள்.
நிற்பவர்கள்: புதல்வி தங்கம்மா, நண்பர் ராமு, நண்பர் விஜயராகவன், பாரதி
85. செங்கோல் செலுத்தும் கவியரசன்: காரைக்குடி ஹிந்து மதாபிமான சங்கத்தில் பாரதியும் இளம் நண்பர்களும் இடமிருந்து வலம்: அ.மு.க.மு.க.கறுப்பன் செட்டியார், ராய.சொக்கலிங்கன், பாரதி, சொ.முருகப்பா, கி.நாராயணன் செட்டியார். பின்னால்: மு.நடராசன்; சிறுவன் பெயர் தெரியவில்லை.
86. மிக இயற்கையான படம்: கவியரசரின் இயற்கையான பரபரப்புத் தன்மையை அற்புதமாய்க் காட்டும புகைப்படம். இது 1920-ல் தமது உற்ற நண்பர் பாரதிதாசனுக்காக கவிஞர் சென்னையில் எடுத்துக்கொண்ட படம். மிகப் பிரபலமான பாரதி முகமும் இதுவே
87. செங்கோல் செலுத்தும் கவியரசன்
88. கவிஞர் கடைசியாக இருந்த இல்லம்: பல நூற்றாண்டுகளுக்கு முன் ஒரு முறை தோன்றும் மகா மேதை பொனுடல் நீத்துப் புகழுடல் எய்திய திருவல்லிக்கேணி இல்லம். தெளிய சிங்கப் பெருமாள் கோயில் தெருவில் உள்ளது

பாரதி குடும்பத்தினர்
89. யதுகிரி அம்மாள்: பாரதி இருந்த காலததில் அவருடைய அன்புக்குப் பாத்திரமான சிறுமியாக இருந்த யதுகிரி அம்மாள். மண்டயம் ஸ்ரீநிவாஸாச்சாரியாரின் புதல்வி. தாம் கண்ட பாரதியை 'பாரதி நினைவுகள்' என்ற சுவைமிக்க நூலாக எழுதியுள்ள இவ்வம்மையார் 1954-ல் காலமானார். இப்படம் 1947-ல் எடுத்தது
90. மைத்துனர்: பாரதியின் மைத்துனர் (செல்லம்மாளின் தமையனார்) க.ரா.அப்பாதுரை. தேசபத்தி கொண்டவர்; தேசீய நடவடிக்கைகளுக்காகவும் பாரதிக்குத் துணை நின்றதற்காகவும் போஸ்ட் மாஸ்டர் வேலையிலிருந்து நீக்கப் பெற்றவர்; ஜமீன்தார்கள் சகவாசம் உள்ளபடியால் அலங்காரத் தலைப்பாகை கட்டும் பழக்கம் கொண்டவர்
91. தம்பியும் தங்கையும்: பாரதியின் தம்பி சி.விசுவநாதனும் தங்கை லஷ்மி அம்மாளும் (சுமார் 1934-ல் எடுத்த படம்) பாரதி பாடல்களை உணர்ச்சி, சங்கீதம் இரண்டும் சேர்த்துப் பாடப் பழகியவர் விசுவநாதன்.
92. மூத்த மாப்பிள்ளை ஸ்தாணு அய்யரும் மூத்த பெண் தங்கம்மாளும் (1934)
93. மாமா சாம்பசிவய்யர்
(1957)
94. புதல்வியர் இருவரும் (1922?)
95. புதல்வியர் இருவரும் (1922?)
96. தம்பி சி.விசுவநாதன் (1957)
97. மனைவி செல்லம்மாளும் இரு புதல்வியரும் பேரக் குழந்தைகளும்(1954)
Website Designed by Bharathi Sangam, Thanjavur